Para sa mga Magulang/Guardian

Kahilingan para sa Kooperasyon sa Survey na Isasagawa para sa mga Bata

Ang survey na ito ay isasagawa lang matapos makakuha ng paunang pahintulot mula sa mga magulang/guardian upang ligtas at naaangkop na makakuha ng mahahalagang opinyon mula sa inyong anak o inaalagaang bata.

Mangyaring basahin at unawain ang mga sumusunod na nilalaman. Kung inyo itong nauunawaan at sinasang-ayunan, lubos po naming hinihiling ang inyong kooperasyon.

 

---

 

1. Layunin ng Survey

Ang survey na ito ay naglalayong alamin ang totoong kalagayan at saloobin ng mga batang multicultural at multilingual tungkol sa kanilang pag-aaral ng wikang Hapon at sa kanilang pang-araw-araw na pamumuhay na may kaugnayan dito. Ang mga makukuhang impormasyon ay gagamitin upang mapabuti ang mga pagsasanay ng mga sumusuporta ng mga klase sa wikang Hapon..

Paalala: Ang survey na ito ay hindi para sa layuning pang-negosyo o pagkakakitaan.

 

---

 

2. Pangkalahatang Impormasyon ng Survey

• Target: Mga mag-aaral mula grade 5 ng elementarya hanggang 3rd year junior high school / 10 hanggang 15 taong gulang
• Paraan: Online na survey sa pamamagitan ng Internet (Web Form)
• Tinatayang oras ng pagsagot: Humigit-kumulang 20 hanggang 30 minuto
• Panahon ng pagsasagawa: Mula ika-13 ng Hulyo, 2026 hanggang ika-30 ng Setyembre, 2026 (hindi pa nakatakda)

Ang survey ay pangunahing binubuo ng mga multiple-choice na tanong. Makikita ang survey form dito, suriin ang mga nilalaman nito.

   URL:https://forms.gle/mwmmfBx1cScc5zow7

 

---

 

3. Kusang-loob o Boluntaryong Paglahok

Ang paglahok sa survey na ito ay nakabatay sa malayang pagpapasya ng parehong magulang/guardian at ng mismong bata.

• Kahit hindi kayo sumang-ayon na lumahok, wala kayong matatanggap na anumang kawalan o hindi magandang epekto.
• Maaari itong ihinto anumang oras, kahit nasa kalagitnaan ng pagsagot.

Kung maramdaman ng inyong anak o inaalagaang bata na “ayaw niyang sagutin” o “gusto niyang huminto”, hinihiling namin na igalang ang kanyang damdamin at huwag piliting sumagot.

 

---

 

4. Tungkol sa Pahintulot ng Magulang/Guardian

Ang survey na ito ay isasagawa lamang kung nabasa at naunawaan ng magulang o tagapag-alaga ang paliwanag na ito at nagbigay ng kanilang pahintulot.

Sa simula ng online survey form, tatanungin ang bata kung naipakita na ba sa kanya ang pahinang ng “paliwanag sa kanyang magulang/guardian at kung nakakuha na siya ng pahintulot” mula sa kanila.

Kung walang pahintulot mula sa magulang/guardian, maaaring piliin ang “Hindi”, at doon na matatapos ang survey.

Humihingi kami ng paumanhin sa abala, ngunit hinihiling namin na suriin muna ninyo ang survey form. Kung sa inyong palagay ay walang problema at kayo ay sumasang-ayon, saka lamang pahintulutan ang inyong anak o inaalagaang bata na magsimulang sumagot.

Mahalagang Paalala: Hindi kinakailangang suriin o tingnan ng mga magulang/guardian ang mga sagot ng bata. Matapos makumpleto ang paunang proseso ng pagbibigay ng pahintulot, hinihiling namin na bigyan ninyo ang bata ng pagkakataong makasagot nang malaya at ayon sa kanyang sariling opinyon.

Upang matulungan ang mga bata na makasagot nang mag-isa, ang survey form ay nakasulat sa simpleng wikang Hapon at mayroon ding iba’t ibang pagsasaling-wika.

 

 

---

 

5. Tungkol sa Pangangasiwa ng Personal na Impormasyon

• Sa survey na ito, hindi kokolekta ng anumang impormasyong maaaring magpakilala sa isang tao, tulad ng pangalan, tirahan, pangalan ng paaralan, atbp.
• Ang data ng mga sagot ay pagsasama-samahin at susuriin nang hindi nakikilala ang sumagot.
• Ang mga impormasyong makokolekta ay gagamitin lamang para sa layunin ng pananaliksik na ito at hindi gagamitin para sa ibang layunin.
• Upang maisagawa ang mas mahusay na pagsusuri ng mga sagot, maaaring humingi ng tulong sa mga mananaliksik na may espesyal na kaalaman sa larangang ito. Sa ganitong pagkakataon, ang mga sagot ay ibabahagi lamang matapos alisin ang anumang impormasyong maaaring magpakilala sa isang indibidwal. Ang resulta ng pagsusuri ay maaaring gamitin sa mga presentasyong pang-akademiko, mga ulat, mga materyales para sa mga pagsasanay at seminar. Gayunpaman, walang sinumang indibidwal na kalahok ang maaaring makilala.

 

---

 

6. Tungkol sa Paggamit ng mga Resulta ng Survey

Ang mga resulta ng survey ay ipoproseso ayon sa paraang statistical, at maaaring gamitin para sa mga sumusunod:

• Mga ulat o reports
• Mga materyales para sa pagpaplano at pagsusuri ng mga programa
• Paglalathala ng buod ng resulta sa website atbp.

Gayunpaman, walang sinumang indibidwal na kalahok ang maaring makilala o matukoy.

 

---

 

7. Impormasyon sa Pakikipag-ugnayan at mga Katanungan

Kung mayroon kayong anumang katanungan o nais linawin tungkol sa survey na ito, mangyaring makipag-ugnayan sa sumusunod:

• Tagapagpatupad ng Survey: Hyogo International Association
• Mga Tagapangasiwa: Shinohara/Nakagawa
• Telepono: 078-230-3261
• Email Address: hiataisei@net.hyogo-ip.or.jp

 

---

Para sa mga Magulang/Guardian (Pakiusap)

Ang layunin ng survey na ito ay marinig ang mga boses at opinyon ng mga bata upang magamit ang mga ito sa paglikha ng mas mabubuting programa sa hinaharap.

Hinihiling namin ang inyong pang-unawa at kooperasyon sa pagbasa at pagsuri ng mga impormasyong nakasaad sa itaas sa inyong bahay, at pagkatapos ay magpasya kung pahihintulutan ang paglahok ng bata.